Grammatica per l’instrucziun dal rumantsch grischun
Renzo Caduff, Uorschla N. Caprez, Georges Darms
La grammatica è concepida en emprima lingia per il diever da quels ch’instrueschan rumantsch grischun e per scolars dal stgalim secundar u creschids. La Grammatica per l’instrucziun cumpiglia 326 paragrafs e descriva ils fenomens grammaticals ils pli impurtants a moda concentrada cun blers exempels e diversas tabellas e graficas. Ses puntg da partenza è il text, che vegn analisà en unitads pli e pli pitschnas: frasas (sintaxa), pleds e furmas (morfologia), suns e letras (fonetica ed ortografia). Ils quatter texts curts en l’emprima partservan ad exemplifitgar la pronunzia dal rumantsch grischun. Divers exempels da quels texts èn surpigliads pli tard per declerar la grammatica. En la sintaxa vegnan descrittas las differentas sorts e furmas da frasas e proposiziuns sco era las parts da la proposiziun e lur funcziun. En la morfologia vegnan las caracteristicas impurtantas da las spezias da pleds preschentadas e descrittas tenor criteris formals. Sche quels na tanschan betg per la classificaziun, suondan criteris funcziunals, ed a la fin er criteris semantics, nua che quels sa laschan definir en moda e maniera suffizientamain clera.
Kategori:
Tahun:
2009
Penerbit:
Seminari da rumantsch da l’Universitad da Friburg
Bahasa:
rhaetian
Fail:
PDF, 726 KB
IPFS:
,
rhaetian, 2009